Молитва преп. Феодору Санаксарскому.
Дни памяти:  4 марта  (переходящая) – 4 марта (19 февраля) в невисокосный год / 3 марта (19 февраля) в високосный год. 4 мая – Обре́тение мощей. 5 июня – Собор Ростово-Ярославских святых. 3 октября – Собор Брянских святых.

О, радосте наша! Пастырю наш, преподобне отче Феодоре! Воздыхаем из глубины сердца нашего и со слезами вопием ти: видиши наше неможение, во мраце страстей пребывание, сил душевных разслабление, своеволием обдержание, плотоугодием пленение и всякия добродетели обнищание! Виждь плач и недоумение наше! Вразуми ны и настави на спасения стези, испроси нам у великодаровитаго Бога нищеты нашея познание, слезное покаяние, нелицемерное смирение и в молитве непрестанное терпение, да сими благость Его к себе приклоним ко прощению грехов и сподобимся с тобою вечно пребывати во Царствии Небеснем, поюще и благословяще Всесвятую Троицу: Отца, и Сына, и Святаго Духа, ныне и присно, и во веки веков. Аминь